ලොවටම කලින් අවදි වෙලා මැසිමට පණ පොවන්නී
මල් ගෙත්තම් බීක්කු රැළි හැඩ දමලා මසන්නී
නේක වර්ණ නෙක සළුපිළි දුටු දන මන බඳින්නී
නුඹේ කඳුළද මුතු විලසින් ඔය තැන තැන දිලෙන්නී
සළුපිලි නිම වුවත් ඔය දෑතින් නිතර
ගත දැවටෙන්නේ එක මල් ගව්මකි නිතර
සබඳිනි ඔබේ හද ගැහෙනා සත්සරය
මැසිමද ලොවට පා කරනුයෙ අඬහැරය
හිරු සඳු තරු ඔබෙ තනිකම මකන්නේ
රසමසවුළු නොවෙද දරුවන් සොයන්නේ
හිමිසඳු නොමැති සොව පපුතුර වසන්නේ
මුව මත මුනිවතද නීති ජය ලබන්නේ
නිමන්තිකා
No comments:
Post a Comment